Atyraý oblysyndaǵy Taldykól aýylyna kireberis joldy tasqyn sýy shaıyp ketýine baılanysty turǵyndar evakýasııalandy, dep habarlaıdy Egemen.kz.
Atyraý oblysynyń Tótenshe jaǵdaı jónindegi jedel shtaby buǵan deıin aýyldaǵy júkti analar, egde turǵyndar men balalardyń qalaǵa kóshirilgenin málimdegen edi.
Sý basý qaýpi joǵarylaǵannan keı Taldykól turǵyndary túgel Atyraý qalasyna evakýasııalandy.
Olar H. Dosmuhamedov atyndaǵy Atyraý memlekettik ýnıversıtetiniń jataqhanasyna ornalastyrylady. Jergilikti jaýapty mamandar ýaqytsha turaqta turǵyndarǵa jaǵdaı jasalyp, 3 mezgil tamaq uıymdastyrylatynyn atap ótti.
«Beıbarys aýyldyq okrýgine qarasty 1200-deı halqy bar Taldykól eldimekenindegi turǵyndar Atyraý qalasyna evakýasııalandy. Kirme joldy sý shaıyp ketýine baılanysty, turǵyndardy tolyq qaýipsiz aımaqtarǵa kóshirýge májbúr bolyp otyrmyz. Sol sebepti evakýasııalyq jumystardy bastadyq. Keshe túnnen beri jergilikti azamattar qaladaǵy turǵyn úılerine ketip jatyr. Júzden astam turǵyn jolǵa shyǵyp ketti», dedi Mahambet aýdany ákiminiń orynbasary Arman Ádilǵalıev.
Taldykóldikterdi evakýasııalaýǵa TJD-nyń 24 jeke quramy men 6 qaıyq, 6 tehnıka jumyldyryldy.