Almatyda jol erejesin buzǵan jas túlekterdiń korteji ákimshilik jaýapkershilikke tartyldy, dep jazady Egemen.kz kaz.inform.kz-ke silteme jasap.
«Kóktóbe» yqsham aýdanynda 12 mashınadan quralǵan mektep túlekteriniń korteji jol erejesin buzǵany úshin toqtatylyp, ákimshilik jaýapkershilikke tartyldy.
«Atalǵan kortejdi mamandandyrylǵan batalon qyzmetkerleri toqtatty. Júrgizýshilerge qatysty jolaýshylardy tasymaldaý erejelerin buzý, qaýipsizdik beldigin taqpaý, kólikke jalǵan nómir taǵý, manevr jasaý erejelerin buzý, tótenshe jaǵdaı týǵyzý derekteri boıynsha 84 ákimshilik hattama toltyryldy. 12 kólik mamandandyrylǵan aıyppul turaǵyna qoıyldy», dedi Almaty qalalyq PD Jergilikti polısııa qyzmeti basqarmasynyń bastyǵy Serik Shýmaev.