QR Tótenshe jaǵdaılar mınıstrliginiń resmı ókili Shyńǵys Álekeshev óz-ózine qol jumsaý áreketteri men túrmeden qashý faktileri týraly baıandady. Onyń aıtýynsha, Qazaqstandaǵy barlyq kolonııalar úzdiksiz beınebaqylaý júıesimen jabdyqtalǵan, dep habarlaıdy Egemen.kz.
Eske salaıyq, qaýipsizdikti kúsheıtý maqsatynda QR Prezıdenti Qasym-Jomart Toqaev elimizdiń barlyq kolonııalaryn kameramen jabdyqtaýdy tapsyrǵan edi. Búginde analıtıkalyq jáne baqylaý fýnksııalary bar 39 myńnan astam beınekamera ornatyldy.
«Beınekameralarda analıtıka jáne baqylaý fýnksııalary qarastyrylǵan. Sondaı-aq tyıym salynǵan aımaqqa kirgen nemese obektıvi jabylǵan kezde dabyl jiberetin múmkindigi bar. Ondaǵy beıne Qylmystyq-atqarý júıesi komıtetiniń ahýaldyq ortalyǵyna, sondaı-aq, prokýratýra organdaryna shyǵarylǵan. Bul jaǵdaıdy naqty ýaqyt rejıminde turaqty túrde baqylaýǵa múmkindik beredi. Sondaı-aq tyıym salynǵan aımaqtarǵa kirý jáne obektıvterdi bloktaýǵa arnalǵan dabyl bar. Bul sharalar oń nátıje berdi. Bul júıe engizilgennen beri sottalǵandardyń qamaýda ustaý rejımin buzýdyń 24 myńǵa jýyq faktisi anyqtaldy. 43 sýısıd pen 4 qashý áreketiniń aldy alyndy», dedi Shyńǵys Álekeshev.
Ol búginde elimizde 78 mekeme jumys istep jatqanyn, onyń 62-si bas bostandyǵynan aıyrý túrindegi jazalardy oryndaý jáne 16 tergeý ızolıatory bar ekenin aıtty. Olarda 37 myń adam otyr, onyń 32 myńy sottalǵan, 5 myńy tergeý kezinde qamaýǵa alynǵandar.
Sondaı-aq beınekameranyń arqasynda tyıym salynǵan zattardy jetkizbek bolǵan 151 adam ustaldy. Olar 267 telefon, 33 lıtr alkogol jáne 2 kelige jýyq esirtkini kirgezbek bolǵany anyqtaldy.
Qyrmyzy JUMAǴALIQYZY,
EUÝ stýdenti