Kásiptiń kózin tabý bar da, ony dóńgeletip áketý bar. Bastaǵan isińe qyzyqsań, dóńgeleıdi. Áıtpese bir orynda tabandap turyp alady. Tiginshi Saıat Shaıahmetov О́skemen óńirinde joq kásipti qolǵa ala salyp, shyrq úıirdi. Ol qazir taý-tasqa, tabıǵatqa kıetin brendti kúrteshe men sómkelerdiń túr-túrin tigip júr.
Onyń «Altay Out Wear» dep atalatyn kúrtesheleri aınaldyrǵan bir jarym jyl ishinde shyǵysqa tanylyp úlgerdi. Ásirese týrızmmen aınalysatyn azamattardyń suranysyna ıe. Sýsyma materıaly shelektep tókken jańbyrdyń astynda qalsań da sý ótkizbeıdi. Tym qalyń da emes. Sonyń ózinde taý salqynynda tońdyrmaıdy. Bylaısha aıtqanda, dene temperatýrasyn ustap turatyn qasıeti bar. Sapasyna da kópshiliktiń kóńili tolady eken.
Shyǵys Qazaqstannyń tumsa tabıǵatyn týrısterge qysy-jazy aralatyp júretin týrıstik operator Aıgerim Ábedjanovanyń aıtýynsha, Saıattyń qolynan shyqqan kúrteshelerdiń sapasy men sáni úılesip tur. Ár adamnyń ólshemine qaraı denesine qona ketedi.
– О́skemende tabıǵatqa arnalǵan kıimderdiń shyǵarylyp jatqany shyn qýantty. Biz ala jazdaı Altaıdyń qoıyn-qonyshyn aralaımyz. Sondaıda kııýge qolaıly kúrtesheni jerlesimizden satyp alyp júrmiz. Sheteldiń brendterinen asyp túspese, kem emes. Tek qoldaý kerek. Qoldaý dep otyrǵanym, elimizde jasalǵan ónimdi tutynaıyq degenim ǵoı. Nasıhattaıyq. Qajet bolsa, jarnamasyn da jasaımyz, – deıdi shyn janashyrlyq tanytyp júrgen Aıgerim Ábedjanova.
Jarnama degendeı, qazir tigin sehy kıim-keshekti suranysqa qaraı tigip otyr. Eger qyzyǵýshylyq tanytyp, suranys kólemi arta bastasa, tiginshi mamandar jaǵynan másele týyndaýy múmkin.
– Sehta bir tiginshi jumys istep otyr. О́zim dızaınyn syzyp, kıimdi piship beremin. Sóıtip, eki jaqtap tigemiz. Kúrtesheden bólek arqaǵa asatyn sómkeler de bar. Jýyqta kolledj túlekterimen kezdestim. Sehta jumys isteımiz dep nıet bildirgender bolsa, úıretýge ázirmin, – deıdi tiginshi Saıat Shaıahmetov.
Bir qyzyǵy, Saıattyń tiginshilik arnaıy bilimi joq. Kishkentaıynan anasynyń qasynda júrip, tigin tigýge qyzyqqan. О́zine kıim tigip, keıin hobbıine aınaldyrǵan. Qyzyǵýshylyǵy bul kúnde kásibine aınalyp otyr.
– Bir jaqsysy, suranys jyl on eki aı bar. Qysta dúkenimizge shańǵyshylar jıi bas suqsa, jazdyń kúni alpınıster keledi. Áıteýir, kóptiń kóńilinen shyǵyp jatyr, – deıdi kásipker.
Kóńilden shyqpaǵanda she? О́nimderi sheteldik brendterden esh kem emes. Aıtýynsha, aıtýly modadaǵy kıimderdiń elementterin paıdalanady, oǵan óz qııalyn qosady. Sóıtip, qyzyldy-jasyl sándi de sapaly kıim tigedi. Sánnen buryn, taý-tasta júrýge óte yńǵaıly. Shıkizatty Qytaıdan jetkizedi. Qyl aıaǵy jipke deıin shetelden satyp alatynyn aıtty Saıat sál ókinishti júzben. Iá, ózimizde óndiriletin shıkizattyń kemshin ekeni belgili.
Shyndyǵynda, jip esip, mata shyǵaramyn degen jas mamandar, kásipkerler tabylsa, memleket tarapynan qoldaý bar kórinedi. Olaı deıtinimiz, Saıat Shaıahmet shaǵyn sehyn keńeıtý úshin 2,5 paıyzben 5 mln teńge nesıe alǵan. Byltyr kúzde 5 mln teńgeniń grantyn jáne utyp alǵan. Túsken qarjynyń barlyǵyn kásibine salyp, ónim túrlerin arttyra túsken. «Altay Out Wear» atty kúrteshelerin Almaty men Shymkent qalalaryna da jiberip otyrady. Aldaǵy ýaqytta Astanadan da saýda núktesin ashyp qoıýdy maqsat etip júr. Osy aıaq alysynan tanbasa, ár qaladan dúken ashý múmkindigi bar. Tek, erinbeı eńbektený qajet.
Eń úlken maqsaty – óziniń týǵan aýly Katonqaraǵaıda, Altaı taýynyń baýraıynda tigin sehynyń irgetasyn qalap, alystan at shaldyryp jetken týrısterge tabıǵatqa arnalǵan kúrteshelerin usyný. Sebebi Altaıdy tanytyp jatqan kıim Shyǵystyń tórinde tigilýi kerek dep esepteıdi.
Shyǵys Qazaqstan oblysy