HH ǵasyrdyń basynda Alashtyń sırek dárigerleriniń biri Ábýbákir Aldııarulynyń tańǵalarlyq isi kóp.
1907 jyly Sultanmahmut Toraıǵyrulynyń kózine ınfeksııa túsedi. Derti meńdep, údeı bastaıdy. Qaıbir dárigerge 3 aı boıy qaralyp, em qonbaıdy. Qaltasyna da birshama aýyrlyq túsedi. Kúzde Ábýbákir Aldııarulyna qaralady. 1908 jyly aqynnyń kózine kúrdeli ota jasaıdy. 1913 jyly Sultanmahmut «Qazaq» gazeti arqyly Ábýbákir dárigerge alǵys aıtady. Munda «Ábýbákir myrzanyń «qazaǵym-qandasym» dep halimdi bilip, tegin qarap turǵanyna shyn kóńilimnen Táńiri jarylqasyn aıtamyn» delingen.
Qupııasy joq qabyrǵa
«Sybyrlaıdy tóńirek, sybyrlaıdy, Kóńil jeli ár shıdi bir yrǵaıdy» dep jyrlaıdy Jumeken. Osy óleńdi oqyǵanda syry kóp sybyr týraly bir qyzyq eske tústi.
Eki adam sybyrlasyp-kúbirlesip otyrsa, mádenıettilik tanytyp estimeýge, estisek te estimegendeı keıip tanytýǵa tyrysamyz. Biraq álemniń myna bir núktesine barsańyz, 100 metr jerdegi álsiz sybyrdyń ózi kún kúrkiregendeı estiledi eken. Qaı jerde eken dep qyzyǵyp otyrǵan shyǵarsyz. Ol – Aýstralııanyń Adelaıda qalasynyń Barossa sýqoımasy. XIX–XX ǵasyrlarda salynǵan. Akýstıkalyq qasıetteri úshin bóget «Sybyrlaıtyn qabyrǵa» dep atanyp ketken. Qabyrǵanyń bir shetinde aıtylyp jatqan sóz ekinshi jaǵynda jańǵyryp jatady.
Aıdan túsken topyraq
Qytaıdyń «Chane-6» ǵarysh kemesi Aıdyń arǵy betinen synamaǵa topyraq jınady. Bul habardy sol eldiń ulttyq ǵarysh basqarmasy habarlady.
Keme Aıǵa mamyr aıynda attandy. Al 2 maýsymda dittegen jerine jetti. Qaıtar ýaqyty – osy aıdyń 25-i. Qytaıdyń Ishki Mońǵolııa aımaǵyna qonýǵa tıis. Eske sala keteıik, Aıdyń arǵy jaǵy Jerge qarap turǵan joq, oıly-qyrly. Aı baǵdarlamasy Jerdiń spýtnıginde ómir súrýge qolaıly baza qurý maqsatynda aýqymdy zertteý úshin qajet. Aıdan túsken topyraq Qytaıǵa Jer seriginiń paıda bolýy týraly negizgi derekterdi bermek.