Elimiz boıynsha sý qoımalaryna jınalǵan sý 100 paıyzǵa jýyqtady, nysandar shtattyq kestege sáıkes jumys istep tur, dep habarlaıdy Egemen.kz Sý resýrstary jáne ırrıgasııa mınıstrligi málimetine silteme jasap.
Batys Qazaqstan oblysyndaǵy tórt iri sý qoımasy 91%-ǵa toldy. Aqmola oblysyndaǵy eki iri sý qoımasy 97,4%-ǵa tolyp otyr. Soltústik Qazaqstan oblysyndaǵy 2 iri sý qoımasy 99,6%-ǵa tolǵan. Aqtóbe oblysynda eki iri sý qoımasynyń ortasha sý jınaý kórsetkishi 88,5%. Shyǵys Qazaqstan oblysynda eki iri sý qoımasy boıynsha ortasha sý jınaý kórsetkishi 92,6%. Abaı oblysynda Shúlbi sý qoımasy 91%-ǵa tolǵan. Qaraǵandy oblysyndaǵy 3 iri sý qoımasy 99%-ǵa toldy. Qostanaı oblysynda eki iri sý qoımasynyń ortasha sý jınaý kórsetkishi 88,6%. Eske salaıyq, sý qoımalaryna jınalǵan sý aýylsharýashylyǵy men ónerkásipte paıdalaný úshin jiberiledi.