Bokstan Qazaqstan áıelder quramasy Parıj Olımpıadasyna daıyndyq júrgizý maqsatynda kezekti jattyǵý jıynyn bastady, dep jazady Egemen.kz Ulttyq olımpıadalyq komıtetke silteme jasap.
Ulttyq qurama sportshylary Almaty oblysyndaǵy Janashyr aýylynda jattyǵyp jatyr.
Bapker Eldos Saıdalın bastaǵan burymdy boksshylar quramasy munda 2 shildege deıin fızıkalyq babyn shyńdaıdy.
Olımpıada qarsańyndaǵy sońǵy jıyn da dál osy bazada uıymdastyrylady dep josparlanyp otyr.
Aıta keteıik, Qazaqstan áıelder komandasynan Parıj Olımpıdasynda: Nazym Qyzaıbaı (50 keli), Karına Ibrıgaımova (57 keli) jáne Valentına Halzova (75 keli) baq synaıdy.