Ulttyq qaýipsizdik komıteti prokýratýra organdarynyń úılestirýimen, sondaı-aq Ishki ister mınıstrligimen ózara is-qımyl jasaı otyryp, Túrkistan oblysynda terrorızmdi nasıhattady degen kúdikpen Qazaqstannyń 4 azamatyn ustady, dep habarlaıdy Egemen.kz UQK baspasóz qyzmetine silteme jasap.
Aldyn ala derekter boıynsha, ustalǵandardyń biri uzaq ýaqyt boıy shetelde turǵan. Ol radıkaldy dinı ıdeologııaǵa sol jerde tartylǵan bolýy múmkin.
Tintý barysynda dinı ádebıetter men ózge de zattaı dáleldemeler alyndy.
«Qylmystyq kodekstiń 256-babynyń 1 jáne 2-bóligi boıynsha sotqa deıingi tergep-tekserý júrgizilip jatyr. Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy», delingen resmı habarlamada.