Almaty mańynda qurǵaq shóp órtenip jatyr. Oqıǵa ornynan túsirilgen vıdeo áleýmettik jelide tarady, dep habarlaıdy Egemen.kz.
«2024 jyldyń 28 maýsymynda saǵat 11:09-da О́tegen batyr kentindegi PCh-8 baılanys pýnktiniń 101-nómirine Ile aýdany, Gate City keshenine jaqyn jerde shóp órtengeni týraly habarlama kelip tústi. Jaqyn mańdaǵy eldi mekender men ǵımarattarǵa qaýip tónip turǵany anyqtaldy», dep habarlady Almaty oblysy Tótenshe jaǵdaılar departamentiniń baspasóz qyzmeti.
Qurbandar men zardap shekkender joq. Qazirgi ýaqytta órt aýmaǵy anyqtalyp jatyr.
О́rtti sóndirýge Almaty oblysy Tótenshe jaǵdaılar departamentiniń 15 qyzmetkeri men 3 tehnıkasy, jergilikti atqarýshy organdardyń 15 adamy jáne Almaty qalalyq tótenshe jaǵdaılar departamentiniń 3 qyzmetkeri, sondaı-aq 8 birlik tehnıka jumyldyrylǵan.