AQTAÝ. 26 sáýir. Aqtaýda saılaýshylardyń daýys berýdegi belsendiligi arta tústi. Bul týraly egemen.kz tilshisi habarlady.
Saǵat saıyn Aqtaý qalasyda daýys berýshiler qatary qalyńdaı túsýde. Mańǵystaý oblysynyń ortalyǵy Aqtaý qalasynda 117 myń saılaýshy tirkelgen. Olar úshin búgin tańerteń 58 saılaý ýchaskesi esikterin aıqara ashty.
Qazaqstan Respýblıkasy Prezıdentiniń kezekten tys saılaýynyń ótý barysyn baıqaý úshin Mańǵystaý oblysyna kelgen 20-ǵa tarta halyqaralyq baıqaýshylar oblystyń túgelge derlik aýdan-qalalarynda saılaý jumystaryn baıqaýda.
«Búgin aýa raıy da tamasha bolyp tur. Bul saılaýǵa kelýshilerge qosymsha kóńil-kúı syılaıdy. Qazir Aqtaý qalasynyń joǵarǵy bóliginde ornalasqan 28-shaǵyn aýdandaǵy №44 saılaý ýchaskesine kelýshiler sany artty», – deıdi atalǵan saılaý ýchaskesiniń basshysy Nurym Abdýllaev.
Gúlaıym Shyntemirqyzy.
Derek: egemen.kz.
Cýret: T.Qusaıyn, S.Maıemerov.