QOSTANAI. 26 sáýir. Qostanaıda aq jańbyrǵa qaramastan saılaýshylar saǵat tańǵy 7.00- de saılaý ýchaskeleriniń aldynda turdy. Shyrqalǵan án, mýzyka azamattyq ustanymdaryn kórsetýge asyqqan qostanaılyqtardyń kóńil-kúıin kótere túskendeı. Túske qaraı saılaý ýchaskelerine aǵylǵan saılaýshylar qarasy kóbeıe tústi. Saǵat 12.00-de oblys boıynsha barlyq saılaýshylardyń 55 paıyzy daýys berip úlgerdi. Bul týraly egemen.kz tilshisi habarlady.
Qostanaı oblysyndaǵy barlyq saılaý ýchas kelerinde daýys berý saǵat 7-den bastaldy. Olarda elimizdiń Gımni oınaldy, saılaý ýchaskesi saltanatty ashyldy. Sosyn árkim tańdaýyn jasaýǵa kiristi. №3 saılaý ýchaskesindegi uıymdastyrýshylar alǵashqy daýys bergenderge syılyq úlestirdi. «Sharq» tájik-ózbek etnomádenı birlestiginiń jetekshisi Ergashvoı áká Holmetov qyzdardyń qolynan syılyq alyp turyp: «Alla taǵala erte turǵanǵa nesibe shashady» degen ǵoı halqymyz. Búgin tańalakeýgimnen turdym. Saılaý ýchaskesine birinshi bolyp keldim. Ulttyq shapanymdy, alatopymdy kıip aldym. Búgingi kún mereke, elimizdiń, memleketimizdiń basshysyn saılap alamyz. Bul halyqtyń nesibesi emes pe?!», dedi ol.
Osy saılaý ýchaskesine tańerteńnen jastar da aǵylyp keldi. «Meniń jasym 20-da. Meniń jasym osylaı sáıkes keldi. Búgin ómirimde birinshi ret saılaýǵa daýys berdim, óz qalaýymdy jasadym. Durys tańdaý jasaǵanyma senimdimin», - deıdi memlkettik qyzmetshi Nurlan Blızbaev.
«Qazaqstan Respýblıkasyndaǵy saılaýdy baqylaý jónindegi respýblıkalyq qoǵamdyq komıssııanyń oblystyq fılıalynan kelgen baıqaýshy Vıktor Fısenko osy saılaý ýchaskesine tańerteńgi saǵat 6 bolmaı kelipti. « Saılaý ýchaskesi ashylǵansha dalada kútip turdym. Maǵan Qazaqstan Prezıdenti saılaýynda baıqaýshylyq mindettiń tapsyrylýy úlken mártebe, jaýapkershilik. Qazir qarap otyrmyn, barlyǵy da qalypsha ótip jatyr. Qalalyqtardyń belsendiligi óte joǵary»,- deıdi Vıktor Nıkolaevıch.
Biz túske deıin birneshe saılaý ýchaskesin aralap shyqtyq. Barlyǵynda da da saılaýshylar kóp kelip jatyr, bıýlleten berip úlgere almaı, ıirilgen kezek. Oblystyq saılaý komıssııasynyń tóraıymy Antonına Markova túski saǵat 12.00-de oblystaǵy barlyq saılaýshylardyń 55 paıyzynan astamy daýys berip, óz tańdaıýyn jasap úlgergenin habarlady.
Názıra Járimbetova.
Derek, sýret: egemen.kz