ASTANA. 26 sáýir. Sońǵy derekter boıynsha, Nepaldaǵy joıqyn jer silkinisinen qaza bolǵandar sany 2 myńnan asty, 4 myńǵa jýyq adam jaraqat alǵan. Bul týraly rbc.ru habarlady.
Sońǵy 80 jylda bolmaǵan alapat zilzala Nepalda 25 sáýir kúni oryn aldy. Magnıtýdasy 7,9 baldy quraǵan jer asty dúmpýleriniń oshaǵy el astanasy Katmandýdan 80 shaqyrym jerde ornalasqan eken. Sonymen qatar, jer silkinisi Qytaı, Úndistan men Bangladeshte sezilgen. Al Gımalaı taýyndaǵy Everest shyńynda jer silkinisi qar kóshkininiń bolýyna yqpal etip, 65 alpınıst qaza tapqan. Jer silkinisi kezinde ondaǵy alpınıster bazasynda jalpy 1 myńǵa jýyq adam bolǵan kórinedi.
Qaza bolǵandardyń máıitterin izdeýge qutqarýshylardan bólek, eriktiler men Qyzyl krest uıymynyń qyzmetkerleri jumyldyryldy. Keıbir aýdandarda tehnıka qozǵalysyna qıyndyq týýyna baılanysty adamdar qırandylardy óz betterimen jınastyrýǵa májbúr.
Aıdar О́risbaev.
Derek: rbc.ru.
Sýret: reuters.com.