Ulttyq testileý ortalyǵy Qazaqstanda aýyldyq jáne qandas kvotasy boıynsha grantqa qalaı túsýge bolatynyn málimdedi, dep habarlaıdy Egemen.kz.
Ulttyq testileý ortalyǵy aýyl kvotasy 35 %-dy quraıtynyn atap ótti. Iаǵnı belgili bir mamandyqqa bólingen granttardyń jalpy sanynyń 35 %-y aýyldyq kvota boıynsha bólinedi. Máselen, 2024 jyly «Pedagogıka ǵylymdary» baǵytyna 13 735 grant bólinse, 4 807 grantty aýyl mektepteriniń túlekteri alady.
«Aýyl kvotasy aýyldyń áleýmettik-ekonomıkalyq damýyn aıqyndaıtyn mamandyqtar boıynsha beriledi. Mysaly, pedagogıkalyq, IT, aýyl sharýashylyq, veterınarııa, medısınalyq jáne t.b.», delingen habarlamada.
Sonymen qatar ortalyq aýyl kvotasy úshin anyqtama alýdyń qajeti joq ekenin málimdedi. Aýyldyq jerde ornalasqan mektepti bitirgen túlekterdiń aqparaty bazada bolatynyn eske saldy.
Sondaı-aq Qazaqstannyń azamattary bolyp tabylmaıtyn ulty qazaq adamdarǵa arnalǵan kvota túri bar. Qandas kvotasy 4%-dy quraıtynyn atap ótti. Iаǵnı jalpy bólingen granttyń 4%-y qandastarǵa beriledi. Mysaly, 2024 jyly «Pedagogıkalyq ǵylymdar» baǵyty boıynsha 13 735 grant bólingen, onyń ishinde 549 grant nemese 4%-y qandastarǵa arnalǵan.
«Bul kvota boıynsha grant konkýrsyna qatysý úshin qandastar ulty (qazaq) kórsetilgen shetel tólqujatyn usynady. Atap ótsek, qandastar úshin grant konkýrsyna qatysýǵa UBT-nyń shekti baldary bekitilmegen», dep qosty UTO.