6 shildede saǵat 18:00-de EKSPO aýmaǵynda «OPEN AIR» merekelik konserti ótedi. Konsert sońynda saǵat 22:15-te (22:30) «ASPAN» jeńil dron shoýy josparlanǵan, dep habarlaıdy Egemen.kz Astana ákimdigine silteme jasap.
Ákimdiktiń habarlaýynsha, qala turǵyndary men qonaqtarynyń qaýipsizdigi úshin Uly Dala – Túrkistan – T.Rysqulov – Aqmeshit kósheleriniń alańynda qozǵalys shekteledi.
«Kórermenderge keptelis týdyrmas úshin jeke kólikti paıdalanbaýǵa keńes beriledi. Yńǵaıly bolý úshin elorda ákimdigi jeke kóligińizdi qaldyratyn eki tegin avtoturaq usynady. Konsert ótetin jerge jetkiziletin arnaıy avtobýstarǵa (Shuttle Bus) aýysýǵa bolady. Is-shara sońynda osy avtobýstar barlyq nıet bildirýshilerdi jınaý núktelerine qaıtarady», delingen ákimdik habarlamasynda.
Avtokólikti qaldyryp, avtobýstarǵa aýysýǵa bolatyn oryndardyń mekenjaılary:
«Bas meshit» avtoturaǵy (Máńgilik El kóshesi, 65) «Barys Arena» MLD turaǵy (Turan dańǵyly, 57).Eske sala keteıik, dron shoýy úshin 1250 joǵary jyldamdyqtaǵy radıo basqarylatyn qurylǵy aspanǵa ushyrylady, onyń 70-i pırotehnıkalyq drondar. Bul drondar men pırotehnıkanyń sımbıozynyń jańa tehnologııasy. Barlyq vızýaldy effektiler Qazaqstan jáne sheteldik kompozıtorlardyń mýzykasymen sınhrondalady. Kórme demeýshilik qarajat esebinen uıymdastyrylady.