Batys Qazaqstan oblysynyń ákimi Narıman Tóreǵalıev «Fatinoglu» túrik holdınginiń ókilderimen kezdesý ótkizdi. BQO ákimdiginiń baspasóz qyzmetiniń habarlaýynsha, túrik kompanııasy Batys Qazaqstan oblysyna ınvestısııa quıýǵa múddeli.
Oblys ákimdiginde ótken kezdesý barysynda Batys Qazaqstan oblysy aýmaǵynda joǵary tehnologııalyq jańa óndiris ashý jóninde yntymaqtastyq múmkindigi talqylandy.
Narıman Tóreǵalıev talqylanyp jatqan jobany júzege asyrýda oblys ákimdigi jan-jaqty qoldaý kórsetýge daıyn ekenin atap ótti. О́ńir basshysynyń aıtýynsha, qazirdiń ózinde BQO aýmaǵynda túrik kapıtaly tartylǵan 7 kásiporyn jumys istep jatyr eken.
«О́ńirlerge ınvestısııa tartý máselesi Memleket basshysynyń erekshe baqylaýynda tur. Bizdiń oblys Túrkııa Respýblıkasy kompanııalarymen jaqsy qarym-qatynasta. 2023 jyly oblys pen Túrkııa kompanııalary arasyndaǵy taýar aınalymy – 321,5 mln dollardy, eksport – 303,4 mln dollardy, ımport 18 mln dollardy qurady. Bizdiń oblysta joǵary tehnologııalyq jańa óndiris qurý jónindegi bastamańyzdy júzege asyrýǵa múddelimiz. Biz óz tarapymyzdan sizderdiń ıdeıalaryńyzdy júzege asyrý úshin jan-jaqty qoldaý kórsetýge daıynbyz», dedi oblys ákimi.
О́ńir basshysy sondaı-aq tanymal holdıngtiń Aqjaıyqqa kelýi jańa tehnologııalardy transfertteý, jańa jumys oryndaryn qurý turǵysynan máni zor ekenin, bul jalpy aımaq ekonomıkasyna oń áser etetinin atap ótti.Aıtpaqshy, «Fatinoglu» holdıngi álemdik naryqta santehnıka men radıator shyǵaratyn iri óndirýshileriniń biri retinde Túrkııanyń eksporttaýshy kompanııalarynyń top reıtıngine kiredi.
Batys Qazaqstan oblysy