QR Ulttyq Olımpıada komıtetiniń bas hatshysy Janar О́teshova óz basshysy Gennadıı Golovkınniń jalaqysyna qatysty málimdeme jasady, dep habarlaıdy Egemen.kz.
Buǵan deıin Olımpıada chempıony Baqtııar Artaev Golovkınniń 20-25 mln teńge shamasynda jalaqy alyp otyrǵany týraly aıtqan bolatyn. YouTube-kanaldardyń birine suhbat bergen ol Aleksandr Vınokýrovtyń da tabysy az emes ekenin, aıyna 100 myń eýro alyp otyrǵanyn jetkizedi.
Osy málimdemeden keıin UOK bas hatshysy Janar О́teshova Artaevtyń jala japqanyn aıtyp, Golovkınniń atalǵan laýazymda múldem jalaqy almaıtynyn málimdedi.
Al, jalǵan aqparat taratqan eks-boksshyny endi sotqa súıreýi múmkin.
«UOK prezıdentine eshqandaı jalaqy qarastyrylmaǵan, ol erikti retinde tegin jumys isteıdi. Prezıdenttikke kiriskende Gennadıı Gennadevıch birden UOK-tiń memlekettik bıýdjetpen jumys istemeıtinin ashyq aıtty», - dep jazdy О́teshova óziniń Instagram-paraqshasynda.
Onyń aıtýynsha, Ulttyq Olımpıada komıteti qazir bilikti zańgerler jaldap, atalǵan máseleni sot arqyly sheshpekshi eken. «Munyń saldary mindetti túrde bolady», - dep sózin túıdi UOK vıse-prezıdenti.