Seh jumysshylary ústel basynda ishimdik iship masaıǵan. Sol sátte olardyń biri eski renishin esine alyp, ishimdik iship otyrǵan joldasynyń moınyna eki ret pyshaq suqqan, dep habarlaıdy Egemen.kz Dıapazon basylymyna silteme jasap.
Jaraly adam áriptesi ózin óltirip qoımas úshin ústel ústine qulap, yńyrsyǵan dybys shyǵaryp, ólgen keıip tanytqan. Keıin pyshaq pen soqqy jasaǵan er adam ishimdik ishken serigin óldi dep oılap, qylmys ornynan ketip qalǵan. Jaraly azamat aman qalyp, 112-ge habarlasyp, moınyndaǵy jarany qolymen jaýyp, kómek kútken.
Nátıjesinde, 41 jastaǵy jumysshyǵa adam óltirýge oqtalǵan degen aıyp taǵyldy.
Onyń aıtýynsha, adam óltirý maqsaty bolmaǵan, jáı ǵana qorqytqysy kelgenin, biraq er adam qulaǵan kezde qorqyp ketkenin aıtty. Sondaı-aq ol qylmys ornynan qashpaı, temeki satyp alý úshin dúkenge barǵanyn, qaıtyp kelgende polısııa qyzmetkerleri oqıǵa ornynda bolǵanyn túsindirdi. Ol sottan jeńil jaza surap otyr.
Jábirlenýshi aıyptalýshyny keshirip, oǵan eshqandaı talap qoımady.
Sot aıyptalýshynyń shynymen de kisi óltirýge oqtalǵanyn anyqtap, ony 11 jylǵa bas bostandyǵynan aıyrý jazasyn qatań rejımdegi kolonııada óteýge úkim etti.
Aıta keteıik, sottalýshy qasaqana kisi óltirgeni úshin buǵan deıin de sotty bolǵan.