«Balaqaılar mektebi» baǵdarlamasy balalardyń mektepke beıimdelýin jeńildetip, pedagogterdiń bolashaq oqýshylarymen jaqynyraq tanysýyna kómektesýge arnalǵan, dep jazady Egemen.kz.
«Balaqaılar mektebi» balalardy mektepke deıingi tárbıe men oqytýdyń úlgilik oqý baǵdarlamasynyń barlyq baǵyttary boıynsha mektepke aldyn ala daıyndaýǵa múmkindik beredi. Baǵdarlama memlekettik jalpyǵa mindetti mektepke deıingi tárbıe men bilim berý standartyna sáıkes ázirlengen.
«Baǵdarlama boıynsha oqytý 1 aıǵa arnalǵan. Sabaqtar kún saıyn 30 mınýttan 10 mınýttyq úzilis arqyly ótkiziledi. Balalarǵa bilikti bastaýysh synyp muǵalimderi nemese mektepaldy synyp muǵalimderi sabaq beredi», dedi mektepke deıingi bilim berý departamentiniń dırektory Manar Adamova.