Katalondyq «Barselona» men Ispanııa quramasynyń 17 jasar vıngeri Lamın Iаmal Transfermarkt nusqasy boıynsha baǵasy qazir 100 mıllıon eýrodan asatyn eń jas fýtbolshy atandy, dep habarlaıdy Egemen.kz.
Ispanııa quramasynyń talantty oıynshysy 2024 jylǵy Eýropa chempıonatynan keıin birden 30 mıllıon eýroǵa qymbattap, qazir 120 mıllıonǵa baǵalanǵan.
Sonymen qatar Iаmal saıt tarıhyndaǵy quny 100 mıllıonnan asatyn alǵashqy jas fýtbolshy boldy.
Sondaı-aq Lamınmen birge birqatar jas fýtbolshynyń transferlik quny Eýro-2024-ten keıin qymbatqa baǵalanyp otyr. Olardyń ishinde túrik fýtbolshysy Arda Gúler men nemis shabýylshysy Jamal Mýsıala bar.
Buǵan qosa, Lamın Iаmaldyń agenti, portýgaldyq Horhe Mendesh sońǵy ýaqytta, ásirese Eýro-2024 kezindegi kúshti kórsetkishterine baılanysty klıentiniń jalaqysyn kóterýdi talap etip otyrǵandyǵy habarlanǵan.
Eske sala keteıik, jaqynda «Barselonanyń» 17 jastaǵy vıngeri Iаmal Eýropa chempıonatynyń úzdik jas fýtbolshysy júldesin alǵan edi. Sondaı-aq ol Germanııada birden eki álemdik fýtbol rekordyn jasady.