Ulttyq statıstıka bıýrosy elimizdegi avtobýstarda jol júrý aqysy qansha ekenin málimdedi, dep habarlaıdy Egemen.kz.
Maýsym aıyndaǵy statıstıkalyq málimetterge sáıkes, qalalyq avtobýspen júrýdiń eń kóp taraǵan quny 80 teńgeni quraıdy. Bul baǵa Aqtóbe, Atyraý, Jezqazǵan, Qonaev, Semeı jáne Taldyqorǵan qalalarynda bekitilgen.
Qalalyq avtobýspen júrýdiń eń arzany Shymkent, Aqtaý jáne Túrkistan turǵyndary úshin – 70 teńge.
Almaty, Kókshetaý, Qaraǵandy, Qostanaı, Oral, Pavlodar jáne Petropavl qalalarynyń turǵyndary qoǵamdyq kólikte júrgende 100 teńge tóleıdi.
«Aıta keteıik, Aqtaý, Qonaev jáne Túrkistan qalalarynan basqa eldi mekenderde kólik kartasy nemese QR arqyly tólenetin mólsher kórsetilgen», dep málimdedi Ulttyq statıstıka bıýrosy.
Buǵan deıin, 1 tamyzdan bastap Astanada jol júrý aqysy qymbattaıtynyn habarlaǵan edik.