Qaıǵyly oqıǵa Besikti aýylynda bolǵan. Balalar jabdyqtalmaǵan jerde sýǵa túskeni anyqtaldy, dep habarlaıdy Egemen.kz.
Atyraý oblysynyń Tótenshe jaǵdaılar departamenti apat týraly 23 shilde kúni saǵat 00:50-de habar aldy. Sýǵa batqan bir balanyń denesin týystary alyp shyqqan. Ekinshisin izdeý jumystary áli jalǵasyp jatyr.
«Besikti aýylynda 2010 jáne 2011 jyly týǵan balalar shomylý kezinde sýǵa batyp ketti. 13 jasar balanyń denesin týystary taýyp alyp, sýdan shyǵardy, al ekinshi balany izdeý jumystary júrip jatyr. Izdestirý jumystaryna tótenshe jaǵdaı qyzmetiniń 11 qyzmetkeri, 5 sý kóligi jumyldyryldy», dep habarlady oblystyq Tótenshe jaǵdaılar departamenti.
Mamandar Atyraý oblysynda bıyl sýǵa túsý maýsymy áli ashylmaǵanyn da naqtylady.