MARADONANYŃ UIQYSY TYNYSh, AL, LAGERBAKTAN MAZA KETTI

AIY OŃYNAN TÝǴAN ARGENTINA Argentına Ońtústik Koreıa fýt­bolshylaryn 4:1 esebimen oısyrata jeńdi. Match bastalar aldynda Ońtús­tik Koreıa qurama­synyń bas bapkeri Hý Iýn Mý “Bizdiń sol­tústiktegi qan­das­tary­myz álemniń bes dúrkin chem­pıony Brazılııa qura­masyn san­sy­ratyp jibere jaz­dady. Argen­tına, sóz joq myqty. Biraq, biz de qarap qal­mas­pyz”, degen syńaıda oı aıtqan. Tórt jylda bir bolatyn álem chempıonatyna eshkim jeńilemin dep kelmeıdi ǵoı. Aıtýly Grekııa qura­masyn ońaı ılep alǵan koreıler alań­ǵa ólispeı berispeımiz degen nıet­pen shyqqany belgili. Biraq... “Qyr­­syqqanda qymyran irıdi” degen ras tegi. Match bas­ta­lysymen ­ar­­­­­­g­en­­­tı­nalyqtar qarap tur­mady. Mes­sı bastaǵan saıyp­qyrandar Ońtústik Koreıa qu­ra­masy qaqpasynyń aldyn ala shań qyldy. Maıly qa­syq­­taı jylpyldaǵan Messı­diń qaq­­pa aldynda tastaǵan doby Pak­tyń aıaǵyna tıip, óz qaqpa­syna súń­gip ketti. Shabýylshynyń ózi osyn­daı ádemi goldy soǵýdy armandar edi. Paktyń qaptalynda umsy­nyp Gabrıel Haınse turǵan bolatyn. Onyń da gol soǵýǵa múm­kindigi bar edi. Álem chempıonaty al­dyn­da bas­pasóz bitken Argentınanyń baǵyna bitken asyl ul Maradonany jerden alyp, jerge salǵan. Qor­ǵanysta jambastap jatyp alǵannan góri shabýyldy jany súıetin Mara­dona bapker aldyńǵy shepke naıza­sy­nyń júzi muqalmaıtyn has ba­tyr­lar Messı-Igýaın jáne Teves­­ti shy­ǵar­dy. Álemniń úzdik fýtbol­shylary­nyń biri Messıge dop tıse eki-úsh koreı tura umtylady. Esesi­ne bar qyzyqty “Realdyń” sha­býyl­­­shysy Gonsalo Igýaın kóre­di. Bul shabýyl­­shy jaıynda árqı­ly áńgime aıtyl­ǵan. “Onyń baǵyn jan­dyr­ǵan Kaka­nyń qolmen qoı­ǵan­daı pas­tary”, – deıdi. “Daıyn asqa tik qasyq deıdi, qajet kezde qajetti jerden taby­latyn oıyn­shy”, – deıdi. Kim qalaı aıtsa da Igýaın­nyń upaıy túgel. О́z sharýa­syn biledi. Álem chempıo­natyndaǵy alǵashqy het-trık ıesi de sol. Eń úz­dik shabýyl­­shyǵa beriletin júl­deni jurt maqtaǵan Messı, Kloze, Torres, Fabrıano, Ronaldý sııaqty sańlaq­tarmen báske salatyn da osy Igýaın bolady áli. Oıynnyń 33-shi mınótinde Mes­­­sı arqyly Rodrıgesten pas al­ǵan Býrdısso doptyń baǵytyn koreı qaq­­pa­syna týralaǵan edi. Qaqpa aldynda sileýsindeı saq júrgen Igýaın bir-aq qarǵyp, baspen kirgizip jiberdi. Osy goldan keıin argentına­lyqtarda azda­ǵan toq­meıilsý baıqal­dy. Qarsy qaq­pa­­dan áýelep kelgen dopty aıaǵy­men qaq­shyp alyp, keri buryla bergen qor­ǵaýshy Martın Demıkelıs qap­talyndaǵy Lı Chhýn Endi baıqa­maı qal­dy. Bulqynǵan dopty aldyna sa­lyp alyp, eńiretip qýǵan koreı Argen­tına qaqpasynyń toryna deıin kirip ketti. Ekinshi kezeń Maradona shákirt­teriniń basymdylyǵymen ótti. Eń kóp ter tókken Messı. Eń qyzyǵyn kór­gen Igýaın. Úsh ret qaqpa aldy­nan dop alyp, úsheýinde de múlt jibermedi. Maradona keń keýdesimen erkin tynystaıdy. Shırek fınaldyq oıyn­darǵa deıin onyń uıqysy qanyq­, túsi tátti... Al Nıgerııa quramasynyń bas bapkeri Lars Lagerbaktan uıqy qashty. Mazasy joq. Ońtústik Koreıa quramasynan taıaq jep, endi qalaı bolady dep kelgen Grekııadan 2:1 esebimen jeńildi. Match basyndaǵy jora­malda Nıgerııanyń myqty ekendigi aıtylǵan. Oıyn da solaı bastaldy. Ýge ádemi gol soqty. Alaıda, olar­dyń oıyn órnegin Toro­sıdıspen sózge kelip qalyp, ıterip qulatqan Sanı Kaıtanyń alańnan qýylýy ózgertip jiberdi. Torosıdıs te qy­­zyq. Shalǵymen shapqandaı qu­la­dy. Az-kem talyp jatty. Arbıtr osy spektaklge aldanyp qaldy. Jar­­tylaı qorǵaýshyny alańnan qýdy. Shabýyldy kúsheıtken grekter gol salýǵa tyrysyp baqty. Kapýra­nıs qaqpaǵa arqasyn bergen kúıi ekpindep kelip qalǵan Salpıgı­dıske ádemi pas shyǵaryp berdi. Bul grek­terdiń álem chempıona­tyn­daǵy al­ǵash­qy goly edi. Oıyn bary­synda eki jaqta da talaı ret gol soǵatyn múm­kindikter boldy. Iаkýbýmen jup­tasyp grek qaqpa­syna shabýyl jasa­ǵan Obasıdiń qatelesýge esh qaqysy joq edi. Grek qaqpa­shysynyń qoly­nan serpilgen dopqa birinshi bolyp jetkenimen qıys tepti. Nıgerııalyq jankúıerler kúıi­nishten alyp stadıondy moıyn­dary­na ilip kete jazdaǵan. Nıge­rııalyq qaqpashy Vensan Eneama obaly káne, keremet qaqpashy. Talaı qaýip­tiń aldyn aldy. Biraq, ańdyǵan jaý almaı qoımady. Sıo­lıstiń tómennen qatty urǵan dobyn tosyp alǵanymen keıin serpilgen dop Torosıdıstiń aldy­na keldi. Mundaı múmkindikti shabýyl­shy qalt jibergen joq. Esep 2:1. ...AL, FRANSÝZDAR ELINE QAITÝY MÚMKIN Sondaı qaýip bar. Zıdan beker oıbaılamaǵan eken. “Bizdiń burynǵy álem chem­pıo­na­tyndaǵy jeńisimizdiń qazir quny qalmaı barady. Domenek koman­dalyq oıyn júıesin qura almady. Men onyń bapkerlik qabi­letine kúmánmen qaraı bastadym. Al oıynshylarǵa keletin bolsaq, olar alańda óz jaýap­kershi­ligin tolyq sezinip, boıyndaǵy astam­shy­­lyq­­taryn sypyryp tastaýy qajet”. Fransııa quramasyn álem chempıonatyna bastaǵan Zıdannyń qaýpi keldi. Fransýzdarda menmendik bar. Jeńetinderine kúmándanbaıtyn sııaqty. Alǵashqy kezeńde alma- kezek shabýyl jasalǵanymen meksıkalyq­tar­dyń jeńiske degen qushtarlyǵy kóbirek baıqaldy. Esep úshin aıtsaq, Fransııa men Meksıka quramalarynyń joly álem chempıonattarynda úsh ret túıisken eken. Biraq, meksıkalyq­tar bireýinde de jeńis toıyn toı­laı almaǵan. Bul joly jeńdi. Esep 2:0 Fransııa quramasynyń taǵdyry endi Meksıka men Ýrýgvaıdyń oıy­nyna qatysty bolmaq. Eger eki komanda teń oınasa pleı-offqa alańsyz shyǵady. Mundaı kilem asty kelisýler fýtbolda talaı ret bolǵan. Biraq, eki oıynda da súreń­siz óner kórsetken Fransııa qura­masy kimge ókpelegendeı. Fýtbol bilgiri Erık Kanton Raı­mon Dome­nek týraly: “Lıýdovık XVI dáýiri­nen beri Fransııa quramasynyń eń nashar bapkeri osy”, depti. Mundaı kóńilsiz aıyptaýlar kelesi kezeńge óte almaǵan qurama bapkeri jaıynda áli aıtyla beredi. Bul – jan ashýy. Tórtkúl dúnıe bar sharýasyn jıyp qoıyp, kirpik qaqpaı kóretin álem chempıonatynyń naǵyz qyzy­ǵy men shyjyǵy endi bastaldy. Baqtııar TAIJAN.