Parıj Olımpıadasynyń kúmis júldegeri Narıman Qurbanov óziniń sporttaǵy úlken jetistikke qol jetkizetinine kópshilik kúmánmen qaraǵanyn aıtty, dep habarlaıdy Egemen.kz.
Sport gımnastıkasynan Qazaqstan tarıhyndaǵy alǵashqy medaldi ıelengen Narıman Qurbanov 18 jasynan bastap olımpıadada atoı salýdy armandaǵanyn jasyrmady.
- Kópshilik meniń sportta úlken jetistikke jetetinime senbeı, ákeme menen eshteńe shyqpaıtynyn jıi aıtatyn. Osy maýsymdaǵy árbir jarys aldynda sýretke qarap, armandaıtynmyn. Olımpıadadan júlde alý bala kezden bergi arman emes. 18 jasyma qaraı jazǵy oıyndarǵa qatysyp, júlde alýǵa asyǵa bastadym. Maqsat qoıdym. Sol maqsatqa jetý úshin jumys istedim. Elimizde bul medaldi qalaı qabyldaıtynyn, halyqtyń qalaı qýanyp jatqanyn jaqsy túsinemin. Qazir bul medaldi ustaǵannan góri, elimizdiń qýanyp jatqanyn kórý men úshin baqyt, - dedi ol.
Aıta keteıik, qazir Qazaqstan qorjynynda bir altyn (Eldos Smetov), bir kúmis jáne eki qola medal bar. Qolany dzıýdoshy Ǵusman Qyrǵyzbaev pen nysana kózdeýden Islam Satpaev pen Aleksandra Le alǵan edi. Narıman Qurbanov Qazaqstan quramasynyń qorjynyn altynshy medalmen tolyqtyrdy.