Almatyda kıberpolısııa operasııa júrgizip, qylmystyq qural-jabdyqtary bar 30 jastaǵy Pavlodar turǵynyn ustady, dep habarlaıdy Egemen.kz Polisia.kz saıtyna silteme jasap.
Almaty qalalyq krımınaldyq polısııanyń «Cyberpol» qyzmetkerleri Kıberqylmysqa qarsy kúres ortalyǵymen «Antifraud» arnaıy is-sharasyn birlesip júrgizgen. Nátıjesinde Pavlodardan kelgen 30 jastaǵy azamat ustalǵan. Onyń jalǵa alynǵan keńsesinen SIM-kartaǵa arnalǵan 512 sloty bar SIM-box jabdyǵy, sondaı-aq 1620 SIM-karta tabylyp, tárkilengen.
«Tárkilengen zattar arqyly ınternet-alaıaqtar ártúrli ınternet qyzmetter men messendjerlerdi jasyryn paıdalanady. Sonymen qatar ol akkaýntardy tirkeýge qoldanylady, alaıaqtar basqa elde bola tura Qazaqstan azamattaryna qońyraý shala alady. Ustalǵan azamat osy jabdyqty ornatý jáne qosý, sondaı-aq slottardaǵy SIM-kartalardy aýystyrýdan turatyn jumysqa keliskenin aıtty. Kúdiktiniń sózderi QR QK-niń 213-baby boıynsha qozǵalǵan qylmystyq is aıasynda muqııat tekseriledi», dedi Almaty qalalyq PD krımınaldyq polısııa basqarmasynyń bastyǵy Maqsat Qanapıaev.