Almatyda báıgeden qala kýbogi barysynda Dúnıejúzilik kóshpeliler oıyndaryna qatysatyn jylqylar belgili boldy, dep habarlaıdy Egemen.kz.
«Osy at jarys aıasynda Astanada ótetin 5-shi Dúnıejúzilik kóshpeliler oıyndaryndaǵy – Kunan báıge, Top báıge, Jorǵa jarys jáne Alaman báıgege úzdik jylqylardy iriktep aldyq», dedi Respýblıkalyq «Báıge» federasııasynyń atqarýshy dırektory Altaı Bımen.
Qunan baıge boıynsha I oryndy Suńqar atty tulpar, shabandozy Abzal Turǵanbek ıelendi. II kelgen Baqtory, shabandoz − Dilnur Nurmuqash. Senıorıta esimdi jylqy úshinshi keldi. Shabandozy – Abzal Turmys. Top báıgede top jarǵan jylqy Zymyran, shabandoz Arnat Murathan. II orynda Maımaq, shabandoz − Abzal Turmys. Úshinshi oryn – Erturan, shabandoz – Islamnur Erkós.
Jorǵa jarys qorytyndysy boıynsha I oryndy Akvamarın, shabandoz − Evgenıı Chıbısov. II oryn - Trıýmf, shabandoz − Álııa Toqtasynova. III oryn Professor, shabandoz – Erulan Tileýǵalıuly.
Al Alaman báıgeni alǵan Vıza esimdi júırik, shabandoz − Alıhan Baqythanuly. Ekinshi kelgen Kúreń at, shabandoz − Arnat Murathan. Úshinshi oryn – Álqıssa atty tulpar, shabandoz – Mádı Jolshybek.
Eske sala keteıik, Respýblıkalyq báıge federasııasy Qazaqstan Respýblıkasy Ulttyq sport qaýymdastyǵynyń quramyna kiredi. Qaýymdastyq quramynda budan ózge kókpar, teńge ilý, aýdaryspaq, jamby atý, sadaq atý, qusbegilik, asyq atý, «JORYQ» at sporty jáne t.b. federasııalar bar. Ulttyq sport qaýymdastyǵyn Islambek Saljanov basqarady.
Aıta keteıik, 8-13 qyrkúıekte Astana qalasynda 5-shi Dúnıejúzilik kóshpeliler oıyndary ótedi. Is-sharaǵa 89 elden 2000-nan astam sportshy qatysady. 5-shi Dúnıejúzilik kóshpeliler oıyndarynyń Bas demeýshisi − ALAGEUM ELECTRIC, Oıyndardyń Bas seriktesi - Halyk Bank. Astanada ótetin Dúnıejúzilik kóshpendiler oıyndarynda barlyǵy 21 sport túrinen 97 medal jıyntyǵy sarapqa salynady.