Parıj Olımpıadasynyń kúmis júldegeri Narıman Qurbanov ózine páter men kólik berilmegenine qatysty pikir bildirdi, dep jazady Egemen.kz.
Tengri Sport habarlaǵandaı, áleýmettik jelide Olımpıada júldegerlerine beriletin syılyqtar qyzý talqylanýda. Jeli qoldanýshylary basqa Olımpıada júldegerlerimen salystyrǵanda Narımanǵa jetkilikti dárejede qurmet kórsetilmedi dep sanaıdy.
Al sportshy bul máselege múldem alańdamaıtynyn aıtty.
- Iá, meni bólip jarǵany, kólik te, páter de bermegeni týraly jazylǵan pikirlerdi kóp oqydym. Árıne, birinshi kezekte osyndaı qoldaý kórsetken jankúıerlerge alǵys bildiremin. Biraq men ol nárselerdiń barlyǵyn óz kúshimmen alatynymdy bilemin.
Eger maǵan taǵy bir nárse kerek bolsa, men oǵan aqsha tabamyn. Jalǵyz aıtarym: qazir ómirimde bolyp jatqan oqıǵalar meni shynymen baqytty etedi, – dedi sportshy.
Aıta keteıik, Olımpıadanyń kúmis júldeger retinde Narıman Qurbanov memleketten 150 000 dollar syıaqy alady.