18 myńnan astam adam tamyz aıyndaǵy UBT-ny tapsyrdy. Shekti baldy 52% talapker jınady. Ortasha ball − 54, eń joǵary ball – 128 boldy, dep habarlaıdy Egemen.kz UTO-nyń baspasóz qyzmetine silteme jasap.
UTO baspasóz qyzmeti qolaıly jaǵdaı jasaýdyń arqasynda tamyzdaǵy UBT-ǵa erekshe bilim berýdi qajet etetin 100 talapker qatysqanyn atap ótti.
UBT ótkizý kezeńinde 77 ereje buzýshylyq anyqtalǵan. Onyń ishinde 44 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyrylǵan. Testileý kezinde erejelerdi buzǵany úshin aýdıtorııadan 33 adam shyǵarylǵan. Bógde tulǵalar anyqtalǵan joq.
«2024 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady», delingen habarlamada. Aıta keteıik, JOO-da oqýyn aqyly negizde mamandyǵy boıynsha jalǵastyrýdy josparlaǵan kolledj túlekteri áńgimelesý nátıjesi boıynsha oqýǵa túse alady. Bul rette qabyldaýdy JOO-nyń qabyldaý komıssııalary júzege asyrady.Sonymen qatar 2024-2025 jylǵy oqý jylyna arnalǵan bilim grantyn ıelenbegen talapkerlerdiń grant ıegeri atanýy úshin qosymsha múmkindikter jóninde aqparat usyný maqsatynda arnaıy Call-ortalyǵy jumys isteıdi.