Búgin Ile aýdanynyń ákimi Baǵdat Qarasaev qyzmet babyn jáne ókilettigin asyra paıdalandy degen kúdikpen ustalǵany týraly aqparat tarady. Bul aqparatty Sybaılas jemqorlyqqa qarsy is-qımyl agenttigi rastady, dep habarlaıdy Egemen.kz.
«Sybaılas jemqorlyqqa qarsy qyzmet sotqa deıingi tergeý aıasynda Almaty oblysynyń aýdan ákimi men basqa da tulǵalardyń áshkerelengenin rastaıdy. Sottyń ruqsatymen kúdiktiler qamaýǵa alyndy. Tergeý jalǵasyp jatyr. QR Qylmystyq-prosestik kodeksiniń 201-babynyń sheńberinde ózge málimetter jarııalanýǵa jatpaıdy», dep habarlady vedomstvo ókilderi.
60 jastaǵy Baǵdat Qarasaev 2018 jyldyń qyrkúıeginen bastap Ile aýdanynyń ákimi qyzmetin atqarǵan. Buǵan deıin Almaty oblysy ákiminiń keńesshisi bolǵan.