Apta sońynda kirister men múlik týraly elektrondyq deklarasııalardy tapsyrý merzimi aıaqtalady. Memlekettik qyzmetshiler, olarǵa teńestirilgen qyzmetkerler, bıýdjettik uıymdar jáne kvazımemlekettik sektor sýbektileriniń qyzmetkerleri, sondaı-aq olardyń jubaıynyń kirisi men múlki týraly deklarasııany (270.00 n.) «eGov.kz» portalynyń kómegimen usynýǵa múmkindik bar.
270-nysan boıynsha kirister men múlik týraly deklarasııany azamattar aktıvter men mindettemeler týraly «kiris» deklarasııasyn (250.00-nysan) tapsyrǵannan keıin ǵana usyna alady. 270.00 deklarasııasynda tólem kózinen salyq salynatyn kirister, sondaı-aq shetelde múliktiń bolýy (jyljymaıtyn múlik, kólik, sheteldik kompanııadaǵy úles, baǵaly qaǵaz, sıfrlyq aktıv, ınvestısııalyq altyn, týyndy qarjy quraldary jáne turǵyn úı qurylysyna qatysý úlesi) kórsetilýi qajet.
Jeke tulǵanyń kiristeri men múlki týraly deklarasııany qabyldaý qyzmeti «eGov.kz» portalynda «Azamattarǵa», «Keden jáne salyqtar», «Salyq salý» bóliminde qoljetimdi.
Sondaı-aq deklarasııany «kgd.gov.kz» portalynda, «eSalyq Azamat» mobıldi qosymshasynda «Salyq tóleýshiniń kabıneti» arqyly usynýǵa bolady.