TÁÝELSIZDIK ShEJIRESINIŃ TUSAÝKESERI

Buǵan deıin “Kúltegin” bas­pa­synan on tórt kitaptan turatyn táýelsizdik shejiresi jaryq kórgeni belgili. Osynaý kóp tomdyq jınaq eldegi kitaphanalar júıesi men oqyr­mandarǵa “Qazaqstan Respýb­lı­kasy” degen serııamen jol tar­typ otyr. Atalǵan kóp tomdyq jobanyń jetekshisi ári avtory belgili memleket jáne qoǵam qaı­ratkeri, fılologııa ǵylymdary­nyń doktory Myrzataı Joldas­bekov. О́tken aptada Oral qalasynda, “Nur Otan” HDP Batys Qazaqstan oblystyq fılıalynda uıym­das­tyrylǵan ǵylymı-praktıkalyq konferensııa osy jınaqtardyń tusaýkeser rásimi rólin atqardy.  Konferensııany ashyp, kirispe sóz sóılegen Batys Qazaqstan oblysy ákiminiń orynbasary Serik Súleı­men táýelsizdiktiń jıyrma jyl­dy­ǵy qurmetine, osy mereıli data­nyń qarsańynda shyǵa bastaǵan bul kitaptardyń halyqqa bereri mol ekenin atap ótti. Ol táýel­sizdiktiń qadir-qasıetin tereńirek túsinýge, ony baǵalaı bilýge jol ashady. Sondaı-aq jańa jınaqtar táýelsizdikti kózdiń qarashyǵyndaı saqtaı bilý qajettiligin uǵyndyra alýymen de qundy. Budan soń “Nur Otan” HDP Batys Qazaqstan oblystyq fı­lıaly tóraǵasynyń orynbasary Abat Shynybekov “Elbasy jol­dady – eli qoldady” kitaby jó­ninde óz oı-pikirin ortaǵa sala kele, el men Elbasy arasyndaǵy tyǵyz birlik pen qarym-qatynas jóninde ádemi oı sabaqtady. Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń tárbıe jáne áleýmettik jumystar jónindegi prorektory, pedagogıka ǵylym­darynyń doktory, professor Abat Qydyrshaev osy serııa boıynsha jaryq kórgen “Elmen syrlasý” kitaby jóninde pikir bildirdi. Ult perzentiniń elmen syrlasýyna arnalǵan bul kitaby – táýelsizdik shejiresiniń bir úzigi, egemen elimizdiń tarıhı paraqtary degen túıin jasady. Qalyń kópshilikke eki tilde usynylyp otyrǵan kóp tomdyq kitaptarda táýelsizdiktiń alǵashqy kúnderinen bergi qazaq memle­ketiniń tirshilik-tynysy, arman-tilegi men talpynys-talaby san qyrynan aıshyqtalǵan eken. Egemen elimizdiń tarıhynan syr shertip, aldaǵy ýaqytta da jalǵasa beretin, túbinde óz aldyna jeke baıtaq kitaphanany quraıtyn kóp tomdyq jobany oqyp tanysý bárimizdiń paryzymyz bolsa kerek. Kitaptardyń tusaýkeser rásimi aıaqtalǵannan keıin osynaý qundy rýhanı dúnıeler oblys kitaphana­laryna syıǵa tartyldy. Temir  QUSAIYN, ORAL.