Senat depýtattary Naýryzbaı Baıqadamov pen Rýslan Rústemov Almaty qalasyna baryp, Iаdrolyq fızıka ınstıtýtynyń jumysymen tanysty, sondaı-aq Qazaqstan-Brıtan tehnıkalyq ýnıversıtetiniń ujymymen kezdesti.
Ýnıversıtet oqytýshylary men stýdentterimen kezdesýde atom energetıkasynda kóp jyldyq tájirıbesi bar halyqaralyq kompanııalardyń AES qurylysyna qatysý máselesi talqylandy. Jobanyń qaýipsizdigin Atom energııasy jónindegi halyqaralyq agenttik baqylaıdy, al shyǵyndar Dúnıejúzilik banktiń qadaǵalaýymen qosa úsh deńgeıli aýdıtten ótedi.
Senator Rýslan Rústemovtiń aıtýynsha, atom ónerkásibindegi otandyq kásiporyndardyń róline erekshe nazar aýdaryldy. «Qazatomónerkásip» kompanııasynda ýran óńdeledi ári ıadrolyq otyn qaldyǵy jınaqtalyp kómiledi. Elimizde ıadrolyq reaktorlar jarty ǵasyrdan asa ýaqyt jumys istep keledi. Shıkizattyq emes áleýetti damytý úshin atom energııasyn tıimdi paıdalanýǵa baǵyttalǵan ǵylymı jobalardy júzege asyrý qajet.
«Elimizdiń shıkizattyq emes áleýetin damytýda Iаdrolyq fızıka ınstıtýty ǵalymdarynyń zııandy organıkalyq zattardyń, zııandy mıkroorganızmderdiń, sýdan radıasııalyq óńdeý arqyly taralatyn aýrýlardyń, hımııalyq reaksııalardyń áseri týraly jobalaryn júzege asyrýǵa ýaqyt qalǵan joq. Instıtýt ǵalymdary ozondaýǵa qaraǵanda, radıasııalyq óńdeýdiń únemdi ekenin jáne hlorlaýdan áldeqaıda tıimdi bolatynyn, sonymen qatar álemdegi azyq-túlik tapshylyǵyn óteıtinin ertede dáleldegen edi. Beıbit atomnyń el ekonomıkasyndaǵy áleýetin arttyrý men onyń ónerkásiptegi jetistikterin tıimdi paıdalanýǵa baǵyttalǵan jobalarǵa jol ashý kerek», dedi R.Rústemov.
Sonymen qatar depýtattar aldaǵy referendýmnyń mańyzyna toqtalyp, ony azamattar men memleket arasyndaǵy saıası mádenıet pen senimdi nyǵaıtýdyń mańyzdy quraly dep atady. Olar otandastarymyzdy daýys berýge belsendi qatysýǵa shaqyrdy.