Dzıýdo kúresinen qazaqtan shyqqan tuńǵysh Olımpıada chempıony Eldos Smetov respýblıkalyq referendýmda óz tańdaýyn jasaý úshin daýys berý ýchaskesine keldi.
Taraz qalasynda ornalasqan №82 referendým ýchaskesine kelgen Olımpıada chempıony saıası naýqan týraly óz oıymen bólisti.
«Búgin elimiz úshin asa mańyzdy kún ekeni anyq. Saıası naýqanda ár adamnyń tańdaýy óz erkinde. Otandastarymyz eldiń erteńi úshin daýys berip jatyr. AES-tiń paıdasy bolsa, salynýy tıis, al zııany bar bolsa, salynbaǵany jón dep esepteımin. Ne bolsa da, eldiń tańdaýymen sheshiledi. Daýys berýshiler óz tańdaýyn jasaıdy. Táýelsiz eldiń erteńi talqyǵa túsip jatqan referendýmǵa belsendi qatysýǵa shaqyramyn. Qarapaıym qazaq balasy retinde men de tańdaýymdy jasadym. Ár qazaq mańyzdy naýqannan tys qalmaǵany durys», dedi ol.