Elimizde AES salý boıynsha respýblıkalyq referendýmnyń ótýi demokratııa damýynyń jańa beleske kóterilgenin kórsetedi. Sol arqyly halqymyz memlekettiń isine, sheshimderine tikeleı aralasa alady. Osyǵan baılanysty Memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasy iske asyp jatyr.
Bul – ádiletti Qazaqstan, ádiletti ekonomıka, ádiletti qoǵam qurý jolynda atqarylyp jatqan saıası is-sharalardyń eń ózektisi. Sondyqtan men de otbasymmen birge daýys berý ýchaskesine baryp, tańdaýymdy jasadym.
Memleket basshysy eger halyq AES salýdy qoldap daýys berip, oń sheshim qabyldanǵan jaǵdaıda onyń qurylysyn iri-iri halyqaralyq kompanııalardan turatyn konsorsıým qurý arqyly júrgizýdi aıtqan edi. Mundaı jaǵdaıda stansa qurylysy ári sapaly, ári salý merzimi qysqa bolýy múmkin. Osy oraıda halqymyz durys tańdaý jasaıdy dep úmittenemin.
О́ıtkeni qazirgi tańda ónerkásip oryndarynyń kóbeıip, ulǵaıýyna baılanysty elektr qýatyna qajettilik artyp keledi. Mamandardyń aıtýynsha, 2035 jylǵa deıin ony paıdalaný kólemi qazirgiden eki esege ósedi. Sondyqtan elektr energııasyn óndirýdi de eki esege arttyrýymyz kerek. Osy oraıda memleketimiz arnaıy jumysty atqarady dep oılaımyn. Jańartylatyn energııa kózderi, AES, odan ózge de energııa óndirý tetikterin izdeý arqyly álemdik ekonomıkadaǵy ornymyzdy tabamyz. Osyndaı iri jobalardy atqarý aıasynda ǵylym men bilimge dańǵyl jol ashamyz. Bul baǵyttaǵy jumys júıeli túrde júzege asa beredi. Eń bastysy, beıbit zaman bolsyn, basymyzdan tynyshtyq ketpesin!
Ǵalıasqar SARYBAEV,
Senat depýtaty