6 qazan kúni Qaraǵandynyń Qarqaraly aýdanynda bastalǵan órt Pavlodar oblysyna jetti. Qos oblys shekararasynda tutanǵan tabıǵı órtti sóndirý jumystary jalǵasyp jatyr. Qutqarýshylar qyzyl jalyndy aýyzdyqtaý úshin ekpindi jel, taýly jerler jáne órt oshaqtaryna kirme joldardyń bolmaýy kedergi keltirip jatqanyn aıtty, dep jazady Egemen.kz.
Tótenshe jaǵdaılar mınıstrliginiń málimetine súıensek, qazir órt aýmaǵynda Qaraǵandy jáne Pavlodar oblystary, Astana qalasy TJD men jergilikti atqarýshy organdarynan, TJM 52859 áskerı bóliminen, «Baıanaýyl» MUTP 609 adam jáne 110 birlik tehnıka, «Qazavıaqutqarý» AQ men QR Qorǵanys mınıstrliginen 4 áýe kemesi jumys istep jatyr.
Sondaı-aq Qaraǵandy oblysynyń Terekti aýylynda jáne Pavlodar oblysynyń Jeltaý qystaǵynda dalalyq órt sóndirý shtabtary ornalastyrylǵan. О́rtti sóndirý jumystary jerústi jáne áýe tehnıkasy arqyly júrgizilip jatyr.
«Jalpy 12 jaýyngerlik ýchaske anyqtaldy. Oblystyq TJD jáne TJM Komandalyq ortalyǵynda jedel shtabtar jumys istep jatyr. Áýe kemeleri órt oshaqtaryna 15 ret jalpy kólemi 22 tonna sý tókti», delingen TJM habarlamasynda.