Astana qalasynyń qylmystyq ister jónindegi mamandandyrylǵan aýdanaralyq soty elorda turǵyny S.J. Ábdikárimovke qatysty úkim shyǵardy, dep habarlaıdy Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Aıyptalýshy Soltústik Qazaqstan oblysynda jer qoınaýyn paıdalanýǵa kelisimshart jasasqany úshin, sondaı-aq memlekettik organdardyń joǵary laýazymdy tulǵalaryna beremin dep 250 myń AQSh dollary somasynda alaıaqtyq jasaǵany jáne para berýge ıtermelegeni úshin kináli dep tanylǵan.
«Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 12 jyl bas bostandyǵynan aıyrý jazasy taǵaıyndaldy», delingen habarlamada.
Sot úkimi zańdy kúshine engen joq.