Qazaqstandaǵy tanymal jastar jobasy – «Jaıdarmanda» kadrlyq ózgerister boldy. Jobanyń jańa atqarýshy dırektory bolyp Janasyl Bolatbek taǵaıyndaldy, dep habarlaıdy Egemen.kz.
25 jyldyq tarıhy bar «Jaıdarman» jobasy búginde mıllıondaǵan aýdıtorııa jınaıtyn, jastardyń kreatıv platformalarynyń birine aınalǵan.
Jobanyń Qazaqstan boıynsha 20-dan astam fılıaly, 150 ókildigi bar, onyń ishinde 5 respýblıkalyq lıga men 3 500 komandany qosa alǵanda 10 000-nan astam is-shara uıymdastyryp úlgergen.
Aıta ketý kerek, buǵan deıin jobanyń atqarýshy dırektory Esen Eleýken respýblıkalyq telearnanyń bas prodıýseri qyzmetine taǵaıyndaldy.
Bul rette, Jaıdarman jobasynyń habarlaýy boıynsha oıyndar kestesi ózgermeıdi jáne kelesi JAIDARMAN TOP fınaldyq oıyny josparlanǵandaı 23 qarashada Astana qalasynyń Ortalyq konsert zalynda ótedi.
Janasyl Bolatbek osyǵan deıin Jaıdarman jobasynyń bas prodıýseri qyzmetin atqarǵan. Sonymen birge Atameken Business telearnasynyń Digital bólimin basqardy.
Elimizge tanymal birneshe jobalardyń uıymdastyrýshysy qyzmetin atqardy.