Respýblıka kúni qarsańynda Muǵaljar aýdany Aqkemer aýyldyq okrýgine qarasty Jaryq aýyly magıstraldy gaz qubyryna qosyldy. Eki jyl buryn bastalǵan gaz tartý jumystaryn «A.T.E-JOL» JShS-i aıaqtady, dep habarlaıdy Egemen.kz.
Qazirgi kezde eldi mekendegi 104 úı men 3 áleýmettik nysan aýylishilik gaz qubyrymen jalǵasty. Osy aýyldyń baıyrǵy turǵyny Marat Mysqalıevtyń aıtýynsha, osy kezge deıin qys aılarynda árbir úı 5-6 tonna kómir jaǵyp kelgen. Sonda ár otbasy jylytý maýsymynda tamyzyq pen kómir satyp alýǵa 300 myń teńgeden astam qarjy jumsaıdy eken. Endi kógildir otynnyń tólemaqysy odan birneshe ese arzanǵa túsedi.
Osy jyly Aqtóbe oblysynda turǵyndar sany 500-den asatyn eldi mekenderge gaz qubyry tartylyp jatyr. Búgingi kúni Muǵaljar aýdany turǵyndarynyń 96,4%-y kógildir otynǵa qol jetkizdi.