Aqtaýda er adam men áıel jalǵan klınıngtik qyzmet kórsetip, 8 páterdi tonap ketken, dep jazady Egemen.kz.
Kúdiktilerdiń biri buryn esirtki saqtap, urlyq jasaǵany úshin birneshe ret sotty bolǵan 39 jastaǵy aqtaýlyq ekeni anyqtaldy. Al qolǵa túsken ekinshi turǵyn onyń 43 jastaǵy tanysy bolyp shyqty.
Jábirlenýshiler polısııaǵa shaǵymdanǵannan keıin urylar ustalǵan. Olardyń páterlerdi tonaǵany zattaı derektermen dáleldengen.
Qazirgi ýaqytta ustalǵandar qamaýǵa alynyp, tergeý bastalǵan. Olardyń basqa da uqsas qylmystarǵa qatysy bar-joǵy tekserilip jatyr.