Sot júıesin reformalaý týraly zań qaralady

Aldaǵy beısenbide Senat depýtat­tary «Qazaqstan Respýblı­kasynyń keıbir zańnamalyq aktilerine sot júıesin reformalaý jáne prosestik zańnamany jetildirý máseleleri boıynsha ózgerister men tolyqtyrýlar engizý týraly» zańdy qaraıdy. Bul zańǵa depýtattar bastamashy boldy. Atalǵan qujat sotta qorǵalý quqyǵyn iske asyrýdyń quqyqtyq kepildikterin kúsheıtýge jáne sot tóreligin iske asyrý sapasyn, sýdıalar korpýsynyń kásibı­ligin jáne olardyń jaýapkershi­ligin arttyrýǵa baǵyttalǵan tıis­ti zańnamalyq tetikterdi ázirleý arqyly sot júıesin odan ári jetildirýdi kózdeıdi.

Sondaı-aq bıylǵy maýsymda qabyldanǵan «Qazaqstan Respýb­lı­ka­synyń keıbir konstı­týsııa­lyq zańdaryna ózgerister men tolyq­­tyrýlar engizý týraly» Kons­­tı­­týsııalyq zań derbes kassa­sııa­­lyq sottar qurýdy jáne olar­d­yń sot aktilerin qaraý jónin­degi ókilet­tikterin qaras­tyra­dy. Osyǵan baıla­nys­ty zań ar­qyly Qylmystyq-pro­sestik kodeks­ke, Azamattyq prosestik kodeks­ke, Ákimshilik rásimdik-pro­ses­tik kodekske, sondaı-aq basqa da bir­qatar zańǵa túzetý engiziledi.

Palatanyń is-sharalar josparyna sáıkes senatorlar osy aptada kezdesýler ótkizedi. Olardyń qatarynda Aqmola oblysynda ótetin quqyq buzýshylyqtardyń aldyn alý jáne qoǵamdyq qaýipsizdikti qamtamasyz etýge, sondaı-aq Qyzylorda oblysyn­da uıymdastyrylatyn aero­ǵarysh salasyn damytýǵa qatysty máselelerge arnalǵan kóshpeli otyrystar bar.

Sonymen qatar Senat komıtet­teriniń «Prokýratýra týraly» Konstıtýsııalyq zańdy iske asyrý jónindegi otyrystary, «Eńbek adamy – ulttyq ekonomıka­nyń ósýi men ult órkendeýiniń ne­gizi» taqy­rybyna arnalǵan par­­la­ment­tik tyńdaýǵa daıyndyq aıa­synda Aqmola oblysynyń Arshaly aýdanyna sapar jáne Qazaqstandaǵy agroónerkásiptik keshen ónim­derin qaıta óńdeý máseleleri boıynsha memlekettik organdar basshylyǵymen kezdesý josparlanǵan.

Buǵan qosa bıýroda Májilisten kelip túsken zańdar jumys úshin turaqty komıtetterge bólinip berildi.