Úkimet otyrysynda Oqý-aǵartý mınıstri Ǵanı Beısembaev ınklıýzıvti jáne arnaıy bilim berýdi damytý boıynsha qabyldanyp jatqan sharalarǵa toqtaldy, dep habarlaıdy Egemen.kz.
Onyń aıtýynsha, elimizde 496 uıym jumys isteıdi, sondaı-aq arnaıy qoldaýǵa muqtaj balalarǵa arnalǵan 1071 kabınet jabdyqtalǵan. Mektepterdiń 88%-da jáne kolledjderdiń 80%-da ınklıýzıvti oqytý úshin jaǵdaılar jasalǵan.
Mektepterde «pedagog-assıstent» laýazymy engizildi, bul mamandar sanyn bir jylda 1-den 2,5 myńǵa deıin arttyrýǵa múmkindik berdi. Endi bul laýazymnyń ashylýy mektepke deıingi uıymdarda da qarastyrylyp jatyr. Erekshe bilim berý qajettilikteri bar balalarmen barlyǵy 9 myńnan astam arnaıy pedagog jumys isteıdi.
«Kelesi jyldan bastap pedagog-assıstentter kolledjderde daıyndala bastaıdy. Tirek-qımyl apparaty buzylǵan balalar úshin mektepte «jeke kómekshi» laýazymy engiziledi. Sondaı-aq «pedagog» kásibı standartyna erekshe bilim berý qajettilikteri bar balalarmen jumys isteý boıynsha jańa mamandyqtar engizilip jatyr», deıdi Ǵanı Beısembaev.