Máskeý qalasynda Qazaqstan Respýblıkasy men Reseı Federasııasy qaýipsizdik keńesteriniń apparattary arasynda keńeıtilgen josparly konsýltasııalary ótti.
Qazaqstan Respýblıkasy Qaýipsizdik Keńesiniń hatshysy Ǵızat Nurdáýletovtiń jáne Reseı Federasııasy Qaýipsizdik Keńesiniń hatshysy Sergeı Shoıgýdyń tóraǵalyǵymen ótken kelissózder barysynda ózara yntymaqtastyqtyń ózekti máseleleri talqylandy.
Taraptar halyqaralyq terrorızm men ekstremızmge qarsy is-qımyl sekildi óńirlik qaýipsizdik máseleleri, sondaı-aq Kaspıı aımaǵyndaǵy ahýaldyń qazirgi jaı-kúıi men damý keleshegi jóninde pikir almasty.
Konsýltasııalar Qazaqstan Respýblıkasy jáne Reseı Federasııasy qaýipsizdik keńesteriniń apparattary arasynda qabyldanǵan yntymaqtastyq josparyna sáıkes turaqty túrde uıymdastyrylady.
Jıyn qorytyndysy boıynsha 2025–2027 jyldarǵa arnalǵan yntymaqtastyq josparyna qol qoıyldy.