Máskeý qalasynda Táýelsiz Memleketter Dostastyǵyna múshe memleketterdiń qaýipsizdik keńesteri hatshylarynyń XII kezdesýi ótti. Jıynǵa Qazaqstan Respýblıkasy Qaýipsizdik Keńesiniń hatshysy Ǵızat Nurdáýletov qatysty.
Taraptar Dostastyq keńistigindegi qaýipsizdikti qamtamasyz etý, atap aıtqanda, qazirgi jaǵdaıdaǵy halyqaralyq qaýipsizdiktiń syn-qaterleri men táýekelderi, TMD-ǵa múshe memleketterdiń aqparattyq qaýipsizdikti qamtamasyz etý salalaryndaǵy yntymaqtastyǵynyń negizgi baǵyttary, sondaı-aq Aýǵanstan boıynsha ózara is-qımyl máseleleri jóninde pikir almasty.
Qaýipsizdik Keńesiniń hatshysy áriptesterine óńirlik qaýipsizdiktiń negizgi baǵyttaryna qatysty elimizdiń ustanymyn habardar etti jáne ulttyq múddeni eskere otyryp, ózara yqpaldastyqty damytý týraly birqatar usynysyn jetkizdi.