Májilis spıkeri Erlan Qoshanovtyń tóraǵalyǵymen bıýro ótip, aldaǵy jalpy otyrystyń kún tártibi naqtylandy.
Birinshi oqylymda depýtattarǵa aqparat, qoǵamdyq damý, mádenıet jáne arhıv isi salalaryndaǵy normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha zańnamalyq túzetýler men dene shynyqtyrý jáne sport týraly zań jobasyn qaraý usynylady.
Zań jobasynda Prezıdenttiń «Ádiletti Qazaqstannyń ekonomıkalyq baǵdary» atty halyqqa Joldaýyn iske asyrý aıasynda ázirlengen «Keleshek» biryńǵaı erikti jınaqtaý júıesiniń qyzmetin quqyqtyq retteýdi kózdeıtin normalar qarastyrylǵan. Bul baǵdarlama Memlekettik bilim berý jınaqtaý júıesiniń qoldanystaǵy alańynda júzege asyrylyp, ata-analar men memlekettiń birlesken kúshimen balalardyń bilim alý múmkindikterin arttyrýǵa múmkindik beredi.
Depýtattar dene shynyqtyrý jáne sport máseleleri boıynsha da keıbir normalardy jetildirdi. Tıisti zań jobasy sporttyń basym túrlerin anyqtaý jáne olardy qarjylandyrý, sport túrlerin ranjırleý júıesin alyp tastaý, sondaı-aq memleket pen dene shynyqtyrý jáne sport sýbektileri arasyndaǵy ózara árekettestikti kúsheıtýge baǵyttalǵan.
Sonymen qatar Májilis jańa zań jobalaryn jumysqa alady. Olardyń ishinde kreatıvti ındýstrııalardy qoldaý jáne damytý, muraǵat isi máseleleri boıynsha zańnamalyq jańalyqtar, sondaı-aq birqatar halyqaralyq kelisimdi ratıfıkasııalaý bar.