Senat spıkeri Máýlen Áshimbaevtyń tóraǵalyǵymen palata bıýrosy ótti. Onda depýtattar 14 qarashada ótetin Senat otyrysynyń kún tártibin bekitti jáne palatanyń osy aptadaǵy is-sharalar josparyn pysyqtady.
Aldaǵy beısenbide senatorlar «Qazaqstan Respýblıkasynyń Úkimeti men Qatar Memleketiniń Úkimeti arasyndaǵy áskerı yntymaqtastyq týraly kelisimdi ratıfıkasııalaý týraly» zańdy qaraıdy. Kelisim áskerı bilim berý, áskerı qyzmetshilerdi daıarlaý, áskerı medısına, áskerı ǵylym, mádenı jáne sporttyq is-sharalar, beıbitshilikti qoldaý jónindegi operasııalarǵa, jaýyngerlik daıarlyqqa, sondaı-aq ózge de baǵyttarǵa baılanysty máseleler boıynsha konsýltasııalar salasyndaǵy yntymaqtastyqty damytýǵa jáne nyǵaıtýǵa arnalǵan.
Sonymen qatar zań normalary áskerı yntymaqtastyq salasy men nysandaryn aıqyndaýdy, taraptardyń áskerı yntymaqtastyǵyn úılestirý jónindegi ózara is-qımyl tetigin belgileýdi, áskerı múlik tranzıti, materıaldyq-tehnıkalyq qamtamasyz etý jáne qarjylandyrý, áýe keńistigi men áskerı polıgondardy paıdalaný, tildik daıarlyq júrgizý máselelerin de retteýdi kózdeıdi.
Buǵan qosa bıýroda buǵan deıin Májilis qabyldaǵan zańdar jumys úshin Senattyń turaqty komıtetterine bólinip berildi.