Klımattyń ózgerýi jónindegi BUU-nyń negizdemelik konvensııasyna qosylýshy taraptardyń 29-konferensııasy aıasynda Qazaqstan Úkimeti men Islam damý banki arasynda Memleket basshysynyń qatysýymen Qazaqstandaǵy sý resýrstaryn damytý jobasyn iske asyrý úshin uzaqmerzimdi qarjylandyrý shartyna qol qoıyldy.
Osy shartqa sáıkes, Islam damý banki Qazaqstanǵa 1,153 mlrd dollar kóleminde qarjy bólip otyr. Qol qoıý rásimine qatysqan Islam damý bankiniń prezıdenti Muhammed Sýleıman ál-Djasserdiń aıtýynsha, bul – Islam damý banki tarıhyndaǵy qarjylandyrylatyn eń iri joba. Muny iske asyrý aıasynda elimizde 9 jańa sý qoımasy salynady nemese qaıta jańǵyrtylady. Sonymen qatar 3 450 shaqyrym kanaldar qaıtadan salynady. Osynyń nátıjesinde aýyl sharýashylyǵy úshin paıdalanylatyn sýarmaly jer kólemin 330 myń gektarǵa kóbeıtemiz.
Jobanyń júzege asyrylýy elimizdiń sý sharýashylyǵy ınfraqurylymyn qaıta jańartyp, qalpyna keltirýge múmkindik beredi, sondaı-aq ekonomıkamyzdyń damýyna oń áserin tıgizedi. Islam damý bankiniń talaby boıynsha bul jobany oryndaý úshin halyqaralyq tájirıbesi bar, gıdrotehnıka salasyndaǵy eń úzdik tájirıbeleri bar kompanııalar Qazaqstanǵa tartylady.
Nurlan BAIBAZAROV,
Ulttyq ekonomıka mınıstri