Qaıyrymdylyqpen 700 myń adam qamtylady

Atalǵan beles ótken jylǵa qaraǵanda 40 paıyzǵa joǵary bolmaq. Sáıkesinshe, el turǵyn­daryna qolushyn sozýǵa sep­tigin tıgizetin áleýmettik joba­lardyń qatary byltyrdan kele jatqandardy qosqanda, búginde 49 paıyzdy eńserdi.

Prezıdent áleýmettik álsiz toptaǵy azamattarǵa qoldaý kórsetýge erekshe mán berip otyr. Memleket saıasatynda adamdardyń muń-muqtajyna jedel nazar aýda­rý, múmkindigi shekteýli jandarǵa kómektesý ne­giz­gi basymdyqtar sanalady. Inklıýzııa, ıaǵnı teń qo­ǵamdy damytý, medısına men bilim, mádenıet pen sport, onyń ishinde aýyldyq jerlerdi damytý, kreatıvti ındýstrııa, tótenshe jaǵdaı kezindegi járdem syndy baǵyttardyń basyn qosqan keshendi qaǵı­dany «Samuryq-Qazyna» kom­panııalar toby da berik ustanyp otyr.

Jalpy, elimizdegi iri jumys berýshi sanalatyn qordyń qaıyrymdylyq operatory arqyly óńirlerde qazirgi kezde 43 ońaltý ortalyǵy men 90-ǵa jýyq beıimdelgen sport seksııa­sy, 30 sport kesheni men alańy jumys istep tur.