Qyzylorda oblysy boıynsha QAJD-nyń №60 mekemesinde tyıym salynǵan zattardy ótkizý áreketi anyqtaldy. Qaraqshylyq jasaǵany úshin jazasyn ótep jatqan azamatqa sálemdeme ákelgen áıel esirtkini kámpıt ishine jasyryp ótkizbek bolǵan, dep habarlaıdy Egemen.kz.
Tekserý kezinde 12 aq tústi qaǵazǵa oralǵan kámpıt pen bir belgisiz aq untaq tabylyp, qalalyq polısııa basqarmasynyń jedel-tergeý toby shaqyrylǵan.
Tergeý barysynda ózine tán ótkir ıisi bar jasyl tústi jáne aq untaq zattar tárkilenip, sot-hımııalyq saraptama taǵaıyndaldy.
Saraptama nátıjesinde tárkilengen zattardyń 31,99 gramm keptirilgen marıhýana jáne 0,41 gramm mefedron ekeni belgili bolyp otyr.
Osyǵan baılanysty sálemdeme jetkizýshige QR Qylmystyq kodeksiniń 297-babynyń 1-bóligi boıynsha qylmystyq is qozǵalyp, sotqa deıingi tergep-tekserý jumystary júrgizilip jatyr.