Almaty oblysynda Almaty-Qorǵas tas jolynda kókpar uıymdastyrǵan jigitter jaýapqa tartyldy, dep habarlaıdy Egemen.kz.
Oblys polıseıleriniń habarlaýynsha, áleýmettik jelilerge monıtorıng júrgizý barysynda Eńbekshiqazaq oblysynyń joldarynda bir top shabandozdyń jol qozǵalysy erejelerin óreskel buzý faktisi anyqtalǵan.
«Quqyq buzýshylardy aýdandyq polısııa qyzmetkerleri anyqtap, polısııa bólimine jetkizdi. Jaıaý júrginshiler men jol qozǵalysynyń ózge de qatysýshylary qozǵalys erejelerin buzǵany úshin ákimshilik jaýapkershilikke tartyldy», delingen habarlamada.
Kókpardy uıymdastyrýshy Eńbekshiqazaq aýdandyq sotynyń úkimimen 7 táýlikke ákimshilik qamaqqa alynsa, tórt qatysýshy 5 táýlikke sottalǵan. Qalǵandaryna aıyppul salyndy.