Bul týraly Aqmola oblysynyń ákimi Marat Ahmetjanov Ortalyq kommýnıkasııalar qyzmetinde ótken brıfıngte aıtty, dep habarlaıdy Egemen.kz.
«Bıylǵy eginshilik kezeńinde biz aıtarlyqtaı nátıjelerge qol jetkizdik. О́ńirdiń agrarshylary ortasha ónimdilikti 14 s/ga-dan asyryp, sońǵy onjyldyqta bolmaǵan 6,6 mln tonnadan astam kólemde rekordtyq astyq jınady, bul - qajyrly eńbek, memlekettik qoldaý jáne zamanaýı agrotehnologııalardy ýaqtyly qoldanýdyń nátıjesi», dedi oblys ákimi Marat Ahmetjanov Ortalyq kommýnıkasııalar qyzmetinde ótken brıfıng barysynda.
Aýyl sharýashylyǵy salasynda óńirdiń jalpy ónimi joǵary nátıjelerge qol jetkizdi, jyl sońyna qaraı aýyl sharýashylyǵy ónimi kóleminde bir trıllıon teńgeden astam qarajat kútiledi, bul ótken jylmen salystyrǵanda bir jarym esege kóp.
Sonymen qatar mal sharýashylyǵy ónimderiniń kólemi de artyp keledi. Bıyl Selınograd jáne Arshaly aýdandarynda 3 sút-taýar fermasy iske qosyldy, taǵy ekeýi aıaqtalý satysynda tur.
О́ńdeý salasynda da oń dınamıka baıqalady. Bul baǵytta óńirde jyl basynan beri 208 mlrd teńgeden astam somaǵa azyq-túlik óndirgen et, sút, maıly jáne dándi daqyldardy óńdeıtin 67 kásiporyn jumys isteıdi.
Marat Ahmetjanov agrarshylardy memlekettik qoldaý sharalary týraly da aıtty. Fermerler arasynda «Keń dala 2» kóktemgi egis jáne egin jınaý jumystaryna jeńildikpen kredıt berý baǵdarlamasy erekshe suranysqa ıe, ol aýyl sharýashylyǵy taýaryn óndirýshilerge jalaqy tóleý úshin aınalym qarajatyn tolyqtyrýǵa, sapaly tuqymdardy, mıneraldy tyńaıtqyshtardy jáne basqa da qajetti taýarlar men qyzmetterdi aldyn ala satyp alýǵa kómektesedi.