Nıderlandy sarapshylary Sý resýrstary jáne ırrıgasııa mınıstrliginiń jumysyn joǵary baǵalady, dep habarlaıdy Egemen.kz.
Nıderlandynyń Qazaqstandaǵy Tótenshe jáne О́kiletti Elshisi Nıko Shermers sý tasqynyn boljaý jáne aldyn alý máselesinde Qazaqstan men Nıderlandynyń yntymaqtastyǵyna jeke toqtaldy.
«Nıderland sarapshylarynyń aıtýynsha, mınıstrlik bıyl úlken jumys atqardy. Kóptegen esepteýlerdi qolmen jasaý kerek bolsa da, nátıjeleri óte dál keldi. Meniń oıymsha, bizdiń elderimiz birlesip sheshýi kerek basty másele – úlken aýmaqtarda esepteýler júrgizý. Klımattyń ózgerýine baılanysty biz jańa syn-qaterlerge tap boldyq. Osy mindetterdi sheshý úshin Nıderlandy tarapy mınıstrlikpen birlesip jumys isteýge daıyn. Sala mınıstrligi óte úlken jumys istep jatyr dep sanaımyn. Qazaqstanda kóptegen donorlyq uıymdar jumys isteıdi. Sol sebepti Úılestirý keńesin qurý mınıstrliktiń halyqaralyq qoǵamdastyqtyń kúsh-jigerin biriktirý men úılestirýdi baıypty qabyldaǵanyn kórsetedi. Bul óte mańyzdy», dedi Nıko Shermers.
Vedomstvonyń baspasóz qyzmeti málim etkendeı, osyǵan deıin Sý resýrstary jáne ırrıgasııa mınıstrligi men Delft sý bilim berý ınstıtýty (IHE Delft) arasyndaǵy memorandým sheńberinde Nıderlandy sarapshylary Astanada sý tasqyny táýekelderin basqarý boıynsha eki márte semınar ótkizdi.
Eske salaıyq, Qazaqstannyń sý sektoryn damytý jónindegi Úılestirý keńesiniń quramyna BUU, halyqaralyq uıymdardyń jáne qarjy ınstıtýttarynyń ókilderi, sondaı-aq sheteldik damý agenttikteriniń, dıplomatııalyq korpýs pen bıznes ókilderi kiredi.